ಕೊತ್ತಂಬರಿ ಜೀರಿಗೆ ಹಾಲು

ಒಣಕೆಮ್ಮಾದರೆ ಮೊದಲು ಮಾಡುವ "ಮನೆಮದ್ದು".ಇದನ್ನು ಒಂದು ವಾರ ಕುಡಿದರೆ ಕೆಮ್ಮು ಕಡಿಮೆ ಆಗೊತ್ತೆ ಅಂತ ಹೇಳುತ್ತಾರೆ.ಇದರಿಂದ ಯಾವುದೇ ತೊಂದರೆಯಾಗದು. ಕೆಮ್ಮೆ ಆಗ್ಬೇಕು ಅಂತೇನು ಇಲ್ಲ ಹೀಗೆ ಬೇಕಾದ್ರೂ ಮಾಡ್ಕೊಂಡು ಕುಡಿಬಹುದು.
ಬೇಕಾಗುವ ಸಾಮಗ್ರಿಗಳು:

• ಕೊತ್ತಂಬರಿ ಬೀಜ 4ಚಮಚ 
• ಜೀರಿಗೆ 2ಚಮಚ 
• ಬೆಲ್ಲ ರುಚಿಗೆ 
• ಹಾಲು 1ಕಪ್ 
• ನೀರು 1/2ಕಪ್ 

ಮಾಡುವ ವಿಧಾನ:

• ಬಿಸಿನೀರಿನಲ್ಲಿ ಕೊತ್ತಂಬರಿ ಮತ್ತು ಜೀರಿಗೆಯನ್ನು 1ಗಂಟೆ ನೆನೆಸಿ.
• ನಂತರ ಸ್ವಲ್ಪ ನೀರಿನೊಂದಿಗೆ ನೆನೆಸಿದ ಸಾಮಗ್ರಿಗಳನ್ನು ರುಬ್ಬಿ.
• ರುಬ್ಬಿರುವದನ್ನು ಶೋಧಿಸಿ,ಅದಕ್ಕೆ ಹಾಲು ಮತ್ತು ಬೆಲ್ಲವನ್ನು ಸೇರಿಸಿ ಚೆನ್ನಾಗಿ ಕರಡಿ.
• ಕೊತ್ತಂಬರಿ ಜೀರಿಗೆ ಹಾಲು ಕುಡಿಯಲು ಸಿದ್ಧ.