ಒಂದೆಲಗದ ಚಟ್ನಿ

By guest Blogger Prabha Hebbar

ಬೇಕಾಗುವ ಸಾಮಗ್ರಿಗಳು

• 1 ಕಪ್ ಹೆಚ್ಚಿದ ಒಂದೆಲಗ (Centella asiatica)
• 1 ಕಪ್ ತೆಂಗಿನ ತುರಿ
• 1 ಟೀ ಚಮಚ ಜೀರಿಗೆ
• 1/2 ಟೀಚ ಕೊತ್ಹೊಂಬರಿ ಬೀಜ
• 1 ಟೀಚ ಹುಣಸೆ ಹಣ್ಣಿನ ರಸ
• ಚಿಟಿಕೆ ಇಂಗು
• 3-4 ಒಣಮೆಣಸು
• 1 ಟೀಚ ಎಣ್ಣೆ
• ರುಚಿಗೆ ಉಪ್ಪು

ಒಗ್ಗರಣೆಗೆ:

• 1 ಟೀ ಚಮಚ ಎಣ್ಣೆ
• 1/2 ಸಾಸಿವೆ
• 1 ಒಣಮೆಣಸಿನ ತುಂಡು

ವಿಧಾನ :

• ಒಂದು ಬಾಣೆಲೆಯಲ್ಲಿ ಎಣ್ಣೆಯನ್ನು ಬಿಸಿ ಮಾಡಿ, ಅದಕ್ಕೆ ಕೊತ್ಹೊಂಬರಿ ಬೀಜ , ಜೀರಿಗೆ, ಒಣಮೆಣಸು ಮತ್ತು ಹೆಚ್ಚಿದ ಒಂದೆಲಗ ಹಾಕಿ 5 ನಿಮಿಷ ಬಾಡಿಸಿ.
• ನಂತರ ಬಾಡಿಸಿದ ಒಂದೆಲಗವನ್ನು ತೆಂಗಿನ ತುರಿ, ಇಂಗು, ಹುಣಸೆ ರಸ, ಮತ್ತು ಉಪ್ಪಿನೊಂದಿಗೆ ಸ್ವಲ್ಪ ನೀರು ಹಾಕಿ ರುಬ್ಬಿ.
• ನಂತರ ಸಾಸಿವೆ, ಒಣಮೆಣಸು ಹಾಕಿ ಒಗ್ಗರಣೆ ಹಾಕಿ. ಒಂದೆಲಗದ ಚಟ್ನಿ ಸಿದ್ದ.
• ಅನ್ನ, ಉಪ್ಪಿನಕಾಯಿ ಮತ್ತೆ ಈರುಳ್ಳಿಯೊಂದಿಗೆ ಬಡಿಸಿ.

ಮೊಡಂಗಲ ಕಾಯಿ ಪಲ್ಯ

ಬೇಕಾಗುವ ಸಮಯ :೧೫ ನಿಮಿಷ 
2 ಜನರಿಗೆ ಸಾಕಾಗುತ್ತದೆ.
ಬೇಕಾಗುವ ಸಾಮಗ್ರಿಗಳು:            

• ಮೊಡಂಗಲ ಕಾಯಿ ೪ ಸಣ್ಣಗೆ ಹೆಚ್ಚಿದ್ದು 
• ಹಸಿಮೆಣಸು ೧ ಸಣ್ಣಗೆ ಹೆಚ್ಚಿದ್ದು 
• ಉಳ್ಳಾಗಡ್ಡೆ  ೧ ಹೆಚ್ಚಿದ್ದು 
• ಕಾಯಿತುರಿ ಸ್ವಲ್ಪ 
• ಎಣ್ಣೆ ೩ ಚಮಚ
• ಸಾಸಿವೆ ಕಾಳು
• ಜೀರಿಗೆ ೧ ಚಮಚ 
• ಇಂಗು ಚಿಟಿಕೆ 
• ಅರಿಶಿನ ಚಿಟಿಕೆ 
• ಉಪ್ಪು 
• ಸಕ್ಕರೆ ಚಿಟಿಕೆ 
• ಹುಳಿಪುಡಿ ಚಿಟಿಕೆ

ಮಾಡುವ ವಿಧಾನ :

• ಒಂದು ಪಾತ್ರೆಗೆ ಎಣ್ಣೆ ಹಾಕಿ,ಬಿಸಿ ಬಂದ ನಂತರ ಅದಕ್ಕೆ ಸಾಸಿವೆ ಕಾಳು (ಸಿಡಿಯುವ ತನಕ ಕಾಯಿರಿ),ಜೀರಿಗೆ, ಮೆಣಸು,ಇಂಗು,ಅರಶಿನ ಮತ್ತು ಈರುಳ್ಳಿ ಹಾಕಿ ಒಂದು ನಿಮಿಷ ಬಿಟ್ಟು,ಹೆಚ್ಚಿದ ಮೊಡಂಗಲಕಾಯಿ  ಹಾಕಿ ಚೆನ್ನಾಗಿ ಹುರಿಯಿರಿ.
• ಅದಕ್ಕೆ ಕಾಯಿತುರಿ ಸೇರಿಸಿ ಇನ್ನೊಂದು  ನಿಮಿಷ ಹುರಿಯಿರಿ.
• ಇದು ಅನ್ನದ ಜೊತೆ ಚೆನ್ನಾಗಿರುತ್ತದೆ.

ಮೊಡಂಗಲಕಾಯಿ ಬಜ್ಜಿ

ಬೇಕಾಗುವ ಸಮಯ:10ನಿಮಿಷ.
2-4 ಜನರಿಗೆ ಸಾಕಾಗುತ್ತದೆ.
ಬೇಕಾಗುವ ಸಾಮಗ್ರಿಗಳು:

• ಮೊಡಂಗಲಕಾಯಿ 2 ಸಣ್ಣಗೆ ಹೆಚ್ಚಿದ್ದು
• ಮೊಸರು ಅಥವಾ ಮಜ್ಜಿಗೆ 1-2ಕಪ್
• ಎಣ್ಣೆ 2ಚಮಚ
• ಹಸಿಮೆಣಸು 1 ಕತ್ತರಿಸಿದ್ದು
• ಸಾಸಿವೆ ಕಾಳು 1/2ಚಮಚ
• ಅರಶಿನ ಚಿಟಿಕೆ
• ಇಂಗು ಚಿಟಿಕೆ
• ಉಪ್ಪು
• ಸಕ್ಕರೆ ಚಿಟಿಕೆ

ಮಾಡುವ ವಿಧಾನ:

• ಒಂದು ಪಾತ್ರೆಯಲ್ಲಿ ಎಣ್ಣೆಯನ್ನು ಬಿಸಿಗಿಡಿ.
• ಎಣ್ಣೆ ಕಾದ ನಂತರ,ಸಾಸಿವೆ ಕಾಳು ಹಾಕಿ(ಸಿಡಿಯುವ ತನಕ ತಡೆದು),ನಂತರ ಹಸಿಮೆಣಸು,ಅರಶಿನ,ಇಂಗು ಹಾಕಿ ಒಂದು ನಿಮಿಷ ಬಿಟ್ಟು,ಮೊಡಂಗಲ ಕಾಯಿ ಹಾಕಿ ಚೆನ್ನಾಗಿ ಹುರಿಯಿರಿ.
• ನಂತರ ಮೊಸರು,ಉಪ್ಪು ಮತ್ತು ಸಕ್ಕರೆ ಹಾಕಿದರೆ,ಮೊಡಂಗಲಕಾಯಿ ಬಜ್ಜಿ ಸವಿಯಲು ಸಿದ್ಧ.

ಕೋಡುಬಳೆ(Crunchy Rings)

Click here for English

ತಯಾರಿಸಲು ಬೇಕಾಗುವ ಸಮಯ:15-20ನಿಮಿಷ
ಬೇಕಾಗುವ ಸಾಮಗ್ರಿಗಳು:

• ಅಕ್ಕಿಹಿಟ್ಟು 1ಕಪ್
• ಮೈದಾಹಿಟ್ಟು 1/2ಕಪ್
• ರವೆ 1/2ಕಪ್
• ಉಪ್ಪು
• ಅರಿಶಿನ ಚಿಟಿಕೆ
• ಖಾರದ ಪುಡಿ ೧ಚಮಚ
• ಜೀರಿಗೆ 1/2 ಚಮಚ
• ಎಳ್ಳು 1/2ಚಮಚ ಹುರಿದದ್ದು
• ಒಮಕಾಳು ಚಿಟಿಕೆ
• ಎಣ್ಣೆ ಕರಿಯಲು

ಮಾಡುವ ವಿಧಾನ:

• ಎಲ್ಲ ಸಾಮಗ್ರಿಗಳನ್ನು ತೆಗೆದುಕೊಂಡು(ಎಣ್ಣೆ ಒಂದನ್ನು ಬಿಟ್ಟು) ಬಿಸಿನೀರನ್ನು,2ಚಮಚ ಬಿಸಿ ಎಣ್ಣೆ ಬಳಸಿ ಚಕ್ಕಲಿ ಹಿಟ್ಟಿನ ಹದಕ್ಕೆ ಕಲಸಿಟ್ಟುಕೊಳ್ಳಿ.
• ಎಣ್ಣೆಯನ್ನು ಸಣ್ಣ ಉರಿಯಲ್ಲಿ ಬಿಸಿಗಿಡಿ.
• ಒಂದು ಸ್ವಲ್ಪ ಹಿಟ್ಟನ್ನು ತೆಗೆದುಕೊಂಡು ಅದಕ್ಕೆ ಸಣ್ಣ ಬಳೆ ಆಕಾರ ಕೊಟ್ಟು,ಎಣ್ಣೆ ಬಿಸಿ ಬಂದ ನಂತರ ಅದನ್ನು ಕರಿಯಿರಿ.
• ಕೋಡುಬಳೆ ಸವಿಯಲು ಸಿದ್ಧ.

ಅಕ್ಕಿ ವಡೆ(Rice Vada)

Click here for English.
ತಯಾರಿಸಲು ಬೇಕಾಗುವ ಸಮಯ:20ನಿಮಿಷ
ಬೇಕಾಗುವ ಸಾಮಗ್ರಿಗಳು:

• ಅಕ್ಕಿಹಿಟ್ಟು 1ಕಪ್
• ಸೌತೆಕಾಯಿ 1/4 ಕಪ್ ತುರಿದದ್ದು
• ಉಪ್ಪು
• ಜೀರಿಗೆ
• ಅರಶಿನ ಚಿಟಿಕೆ
• ಎಣ್ಣೆ ಕರಿಯಲು

ಮಾಡುವ ವಿಧಾನ:

• ಅಕ್ಕಿಹಿಟ್ಟು,ಸೌತೆಕಾಯಿ,ಜೀರಿಗೆ,ಉಪ್ಪು,ಅರಿಶಿನವನ್ನು ಸ್ವಲ್ಪ ಬಿಸಿನೀರು ಬಳಸಿ ಕಲಸಿಟ್ಟುಕೊಳ್ಳಿ.
• ಎಣ್ಣೆಯನ್ನು ಸಣ್ಣ ಬೆಂಕಿಯಲ್ಲಿ ಬಿಸಿಗಿಡಿ.
• ಒಂದು ಲಿಂಬೆ ಗಾತ್ರದ ಹಿಟ್ಟನ್ನು ತೆಗೆದುಕೊಂಡು ಅದಕ್ಕೆ ವಡೆ ಆಕಾರ ಕೊಟ್ಟು,ಎಣ್ಣೆ ಬಿಸಿ ಬಂದ ನಂತರ ಕರಿಯಿರಿ.
• ಅಕ್ಕಿ ವಡೆ ಪಾಯಸದ ಜೊತೆ ಚೆನ್ನಾಗಿರುತ್ತದೆ.

ಹಲಸಿನ ಹಣ್ಣಿನ ದೋಸೆ(Jackfruit Crepes)

Click here for English

ಬೇಕಾಗುವ ಸಾಮಗ್ರಿಗಳು:

• ಅಕ್ಕಿ 1ಕಪ್
• ಹಲಸಿನ ಹಣ್ಣಿನ ಸೊಳೆ 2ಕಪ್
• ಉಪ್ಪು
• ಬೆಲ್ಲ

ಮಾಡುವ ವಿಧಾನ:

• ಅಕ್ಕಿಯನ್ನು 4-5 ಘಂಟೆಕಾಲ ನೆನೆಸಿ.
• ಅಕ್ಕಿ ತೊಳೆದು,ರುಬ್ಬಿ.ನಂತರ ಹಲಸಿನ ಸೊಳೆಯನ್ನು ರುಬ್ಬಿ.
• ರುಬ್ಬಿದ ಎಲ್ಲ ಹಿಟ್ಟು,ಬೆಲ್ಲ,ಉಪ್ಪು ಹಾಕಿ ಎಲ್ಲವನ್ನು ಚೆನ್ನಾಗಿ ಕಲಸಿ.
• ಕಾವಲಿ ಬಿಸಿಬಂದ ನಂತರ,ತೆಳ್ಳಗಿನ ದೊಸೆ ಎರೆಯಿರಿ.
• ಬೆಂದ ನಂತರ ತೆಗೆದು ಸವಿದು ನೋಡಿ ರುಚಿ.

ಮೆಂತೆಕಾಳು ಪಾನೀಯ

ಬಾಯಿ ಹುಣ್ಣು ಆದೊಡನೆ ಮೊದಲು ನೆನಪಿಗೆ ಬರುವ ಮನೆಔಷಧಿ ಇದು.
ಬೇಕಾಗುವ ಸಾಮಗ್ರಿಗಳು:

• ಮೆಂತೆಕಾಳು 5 ಚಮಚ
• ಕಾಯಿತುರಿ 2-4ಚಮಚ
• ಬೆಲ್ಲ

ಮಾಡುವ ವಿಧಾನ:

• ಮೆಂತೆಕಾಳನ್ನು 8 ಘಂಟೆಗಳ ಕಾಲ ಹಾಗೇ ನೆನೆಸಿಡಿ.
• ನಂತರ ಮೆಂತಕಾಳು,ಕಾಯಿತುರಿ ಹಾಕಿ ರುಬ್ಬಿ.
• ಬೆಲ್ಲ ಮತ್ತು ನೀರನ್ನು ಹಾಕಿ ಚೆನ್ನಾಗಿ ಕರಡಿ.
• ಇದನ್ನು 2-3 ಘಂಟೆಯೊಳಗೆ ಖಾಲಿಮಾಡಿ.ನಂತರ ಚೆನ್ನಾಗಿರುವದಿಲ್ಲ.

ಮಾವಿನ ಕಾಯಿ ಬೂತಗೊಜ್ಜು

ಬೇಕಾಗುವ ಸಾಮಗ್ರಿಗಳು:

• ಬೇಯಿಸಿದ ಮಾವಿನ ಕಾಯಿ 4
• ಸಣ್ಣ ಮೆಣಸು 10/ಹಸಿಮೆಣಸು 4
• ಕಾಯಿತುರಿ 1 ಕಪ್
• ಬೆಲ್ಲ
• ಎಣ್ಣೆ 1ಚಮಚ
• ಸಾಸಿವೆ ಕಾಳು 1/2 ಚಮಚ
• ಇಂಗು
• ಅರಿಶಿನ ಚಿಟಿಕೆ
• ಬೆಳ್ಳುಳ್ಳಿ 4 ಎಸಳು
• ಒಣಮೆಣಸು

ಮಾಡುವ ವಿಧಾನ:

• ಬೇಯಿಸಿದ ಮಾವಿನ ಕಾಯಿಯನ್ನು ಗಿವುಚಿಟ್ಟುಕೊಳ್ಳಿ.
• ನಂತರ ಅದಕ್ಕೆ ಜಜ್ಜಿದ ಸಣ್ಣ ಮೆಣಸು,ಕಾಯಿತುರಿ,ಬೆಲ್ಲ ಹಾಕಿ.
• ಎಣ್ಣೆ,ಒಣಮೆಣಸು,ಸಾಸಿವೆ,ಇಂಗು,ಅರಶಿನ,ಬೆಳ್ಳುಳ್ಳಿ ಒಗ್ಗರಣ್ಣೆ ಕೊಡಿ.
• ಚೆನ್ನಾಗಿ ಕಲಸಿ.

ಕಿವಿಮಾತು:

• ಮೊದಲೇ ಬೇಯಿಸಿದ ಮಾವಿನ ಕಾಯಿ ಬಳಸುತ್ತಿದ್ದರೆ,ಅದನ್ನು ಉಪ್ಪು ಹಾಕಿಯೇ ಸಂಗ್ರಹಿಸಿರುತ್ತಾರೆ.
• ಇಲ್ಲದಿದ್ದರೆ ಉಪ್ಪನ್ನು ಬಳಸಿ.

ವಾಂಗಿ ಬಾತ್

 Click here for English

ತಯಾರಿಸಲು ಬೇಕಾಗುವ ಸಮಯ: 45 ನಿಮಿಷ
4 ಜನರಿಗೆ ಸಾಕಾಗುತ್ತದೆ.
ಬೇಕಾಗುವ ಸಾಮಗ್ರಿಗಳು:

• ಬದನೆಕಾಯಿ 1 ಕತ್ತರಿಸಿದ್ದು
• ಬಾಸ್ಮತಿ ಅಕ್ಕಿ 2 ಕಪ್
• ಕಾಯಿತುರಿ 1/4 ಕಪ್
• ಎಣ್ಣೆ
• ಸಾಸಿವೆ ಕಾಳು 1/2 ಚಮಚ
• ಮೆಂತೆಕಾಳು 1/4 ಚಮಚ
• ಜೀರಿಗೆ 2 ಚಮಚ
• ಉದ್ದಿನ ಬೇಳೆ 4 ಚಮಚ
• ಕಡ್ಲೆ ಬೇಳೆ(ಬೇಕಾದರೆ) 4 ಚಮಚ
• ಒಣಮೆಣಸು 8
• ಇಂಗು ಚಿಟಿಕೆ
• ಲವಂಗ 5-6
• ಕುತುಂಬರಿ 2 ಚಮಚ
• ಅರಿಶಿನ ಚಿಟಿಕೆ

ಮಾಡುವ ವಿಧಾನ:

• ಅಕ್ಕಿಯನ್ನು 1/2 ಘಂಟೆ ಮೊದಲು ತೊಳೆದು ನೆನೆಸಿಡಿ.
• ಒಣಮೆಣಸು,ಉದ್ದಿನ ಬೇಳೆ,ಜೀರಿಗೆ,ಮೆಂತೆ,ಲವಂಗ,ಕುತುಂಬರಿಯನ್ನು ಸ್ವಲ್ಪ ಎಣ್ಣೆ ಬಳಸಿ ಹುರಿದಿಟ್ಟುಕೊಳ್ಳಿ.
• ಕಾಯಿತುರಿ ಮತ್ತು ಹುರಿದಿಟ್ಟ ಸಾಮಗ್ರಿಯನ್ನು ರುಬ್ಬಿಟ್ಟುಕೊಳ್ಳಿ.
• ಕುಕ್ಕರ್ನಲ್ಲಿ 4 ಚಮಚ ಎಣ್ಣೆ ಬಿಸಿಗಿಡಿ.
• ಎಣ್ಣೆ ಬಿಸಿ ಆದ ನಂತರ ಸಾಸಿವೆ ಕಾಳು, ಅರಿಶಿನ, ಇಂಗು, ಬದನೆಕಾಯಿ ಹಾಕಿ ಒಂದು ನಿಮಿಷ ಬಿಟ್ಟು ನೆನೆಸಿಟ್ಟ ಅಕ್ಕಿಯನ್ನು ಹಾಕಿ ಒಂದು ನಿಮಿಷ ಹುರಿಯಿರಿ
• ಈಗ ಕುಕ್ಕರ್ಗೆ ರುಬ್ಬಿಟ್ಟುಕೊಂಡ ಮಿಶ್ರಣ ಮತ್ತು 3ಕಪ್ ನೀರು ಹಾಕಿ.
• ಉಪ್ಪನ್ನು ಹಾಕಿ, ಕುಕ್ಕರ್ ಮುಚ್ಚಿಡಿ.
• 2 ಸೀಟಿ ಹೊಡೆಸಿ,15 ನಿಮಿಷ ಕುಕರ್ ಹಾಗೆ ಬಿಟ್ಟರೆ ವಾಂಗಿ ಬಾತ್ ಸಿದ್ಧ.

ವಾತಂಗಿ ಸೊಪ್ಪಿನ ತಂಬ್ಳಿ

ತಯಾರಿಸಲು ಬೇಕಾಗುವ ಸಮಯ: 10-15 ನಿಮಿಷ

ಬೇಕಾಗುವ ಸಾಮಗ್ರಿಗಳು:

• ವಾತಂಗಿ ಸೊಪ್ಪು 1ಕಪ್
• ಕಾಯಿತುರಿ 1ಕಪ್
• ಹಸಿ ಮೆಣಸು 1
• ಉಪ್ಪು 3/4 ಚಮಚ
• ಮಜ್ಜಿಗೆ 1ಕಪ್
• ಎಣ್ಣೆ 1ಚಮಚ
• ಒಣಮೆಣಸು 1
• ಸಾಸಿವೆಕಾಳು 1/2ಚಮಚ

ಮಾಡುವ ವಿಧಾನ:

• ಹಸಿ ಮೆಣಸು,ವಾತಂಗಿ ಸೊಪ್ಪಿಗೆ ಸ್ವಲ್ಪ ಎಣ್ಣೆಯನ್ನು ಬೆರೆಸಿ ಹೊರೆದಿಟ್ಟುಕೊಳ್ಳಿ.
• ಒಣಮೆಣಸು ಕತ್ತರಿಸಿಟ್ಟುಕೊಳ್ಳಿ.
• ಕಾಯಿತುರಿ,ವಾತಂಗಿ ಸೊಪ್ಪು ಬೀಸಿಟ್ಟುಕೊಳ್ಳಿ.
• ಬೀಸಿಟ್ಕಂಡ ಮಿಶ್ರಣಕ್ಕೆ,ಮಜ್ಜಿಗೆ,ಉಪ್ಪು,ನೀರು (ಬೇಕಾದರೆ)ಹಾಕಿ ಕರಡಿಟ್ಕಳಿ.
• ಎಣ್ಣೆ,ಸಾಸಿವೆ,ಒಣಮೆಣಸಿನ ಒಗ್ಗರಣ್ಣೆ ಕೊಡಿ.
• ವಾತಂಗಿ ಸೊಪ್ಪಿನ ತಂಬ್ಳಿ ಸವಿಯಲು ಸಿದ್ಧ.

ಶುಂಠಿ ತಂಬ್ಳಿ(Ginger in Butter Milk)

ತಯಾರಿಸಲು ಬೇಕಾಗುವ ಸಮಯ: 10 ನಿಮಿಷ
4 ಜನರಿಗೆ ಒದಗುತ್ತದೆ.
ಬೇಕಾಗುವ ಸಾಮಗ್ರಿಗಳು:

• ಶುಂಠಿ ಒಂದಿಂಚು
• ಕಾಯಿ ತುರಿ 1ಕಪ್
• ಹುಳಿಮಜ್ಜಿಗೆ 1ಕಪ್
• ಉಪ್ಪು
• ಎಣ್ಣೆ
• ಒಣಮೆಣಸು 1
• ಇಂಗು ಚಿಟಿಕೆ
• ಸಾಸಿವೆ ಕಾಳು 1/2ಚಮಚ
• ಅರಿಶಿನ ಚಿಟಿಕೆ

ಮಾಡುವ ವಿಧಾನ:

• ಶುಂಠಿ,ಕಾಯಿತುರಿಯನ್ನು ಸ್ವಲ್ಪ ನೀರಿನಿಂದ ರುಬ್ಬಿಟ್ಟುಕೊಳ್ಳಿ.
• ರುಬ್ಬಿದ ಮಿಶ್ರಣಕ್ಕೆ ಉಪ್ಪು,ಮಜ್ಜಿಗೆ ಹಾಕಿ ಕರಡಿ.
• ಎಣ್ಣೆ,ಸಾಸಿವೆ,ಒಣಮೆಣಸು,ಇಂಗು,ಅರಿಶಿನದ ಒಗ್ಗರಣ್ಣೆ ಕೊಡಿ.
• ಬಿಸಿ ಅನ್ನದೊಂದಿಗೆ ಸವಿಯಲು ಕೊಡಿ.

ನುಗ್ಗೆ ಸೊಪ್ಪಿನ ಚಟ್ನಿ

ತಯಾರಿಸಲು ಬೇಕಾಗುವ ಅವಧಿ: 10ನಿಮಿಷ
ಬೇಕಾಗುವ ಸಾಮಗ್ರಿಗಳು:

• ನುಗ್ಗೆ ಸೊಪ್ಪು 1ಕಪ್
• ಕಾಯಿತುರಿ 1ಕಪ್
• ಹಸಿಮೆಣಸು 5-6 ಅಥವಾ ಸಣ್ಣಮೆಣಸು(ಚಿಟ್ಟಮೆಣಸು) 10-15
• ಬೋಳಕಾಳು 4
• ಉಪ್ಪು
• ಹುಣಸೆ ಹಣ್ಣು ಸಣ್ಣ ನಿಂಬೆ ಗಾತ್ರದ್ದು.
• ಎಣ್ಣೆ
• ಸಾಸಿವೆ ಕಾಳು
• ಉದ್ದಿನ ಬೇಳೆ
• ಕಡ್ಲೆ ಬೇಳೆ
• ಅರಶಿನ
• ಒಣಮೆಣಸು 1
• ಇಂಗು
• ಕರಿಬೇವು 

ಮಾಡುವ ವಿಧಾನ:

• ಬೋಳಕಾಳನ್ನು 3ನಿಮಿಷ ಸ್ವಲ್ಪ ಎಣ್ಣೆಯೊಂದಿಗೆ ಸಣ್ಣ ಬೆಂಕಿಯಲ್ಲಿ ಹುರಿದಿಟ್ಟುಕೊಳ್ಳಿ.
• ನುಗ್ಗೆ ಸೊಪ್ಪನ್ನು 5 ನಿಮಿಷ ಬೇಯಿಸಿಟ್ಟುಕೊಳ್ಳಿ.
• ಈಗ,ಬೇಯಿಸಿದ ನುಗ್ಗೆ ಸೊಪ್ಪು, ಹಸಿಮೆಣಸು, ಬೋಳಕಾಳು, ಕಾಯಿತುರಿ, ಹುಣಸೆ ಹಣ್ಣು, ಉಪ್ಪು ಹಾಕಿ ಚೆನ್ನಾಗಿ ರುಬ್ಬಿಟ್ಟುಕೊಳ್ಳಿ.
• ರುಬ್ಬಿಟ್ಟ ಮಿಶ್ರಣಕ್ಕೆ, ಎಣ್ಣೆ, ಸಾಸಿವೆ, ಉದ್ದಿನ ಬೇಳೆ, ಕಡ್ಲೆ ಬೇಳೆ, ಅರಶಿನ,ಒಣಮೆಣಸು,ಕರಿಬೇವು,ಇಂಗಿನ ಒಗ್ಗರಣ್ಣೆ ಕೊಡಿ.
• ಈ ಚಟ್ನಿ ಅನ್ನದೊಂದಿಗೆ ಸವಿಯಲು ಚೆನ್ನಾಗಿರುತ್ತದೆ.

ನುಗ್ಗೆ ಸೊಪ್ಪಿನ ತಂಬ್ಳಿ

ತಯಾರಿಸಲು ಬೇಕಾಗುವ ಅವಧಿ: 10ನಿಮಿಷ
ಬೇಕಾಗುವ ಸಾಮಗ್ರಿಗಳು:

• ನುಗ್ಗೆ ಸೊಪ್ಪು 1 ಕಪ್
• ಕಾಯಿತುರಿ 1ಕಪ್
• ಹಸಿಮೆಣಸು 1
• ಬೋಳ ಕಾಳು(ಮೆಣಸಿನ ಕಾಳು) 4
• ಜೀರಿಗೆ 1ಚಮಚ
• ಉಪ್ಪು
• ಮೊಸರು ಅಥವಾ ಮಜ್ಜಿಗೆ 1ಕಪ್
• ಎಣ್ಣೆ
• ಸಾಸಿವೆ ಕಾಳು
• ಅರಶಿನ
• ಒಣಮೆಣಸು 1
• ಇಂಗು

ಮಾಡುವ ವಿಧಾನ:

• ಒಂದು ಪಾತ್ರೆಗೆ 2ಚಮಚ ಎಣ್ಣೆ ಹಾಕಿ ನುಗ್ಗೆ ಸೊಪ್ಪು, ಹಸಿಮೆಣಸು, ಜೀರಿಗೆ, ಬೋಳಕಾಳನ್ನು ಹೊರಿದು ಇಟ್ಟುಕೊಳ್ಳಿ.
• ಜೀರಿಗೆ ಮತ್ತು ಮೆಣಸಿನ ಕಾಳನ್ನು ಹೊರಿದಿಟ್ಟುಕೊಳ್ಳಿ.
• ಕಾಯಿತುರಿ, ನುಗ್ಗೆ ಸೊಪ್ಪು, ಹಸಿಮೆಣಸು, ಜೀರಿಗೆ, ಮೆಣಸಿನ ಕಾಳನ್ನು ಸ್ವಲ್ಪ ನೀರಿನೊಂದಿಗೆ ರುಬ್ಬಿ.
• ರುಬ್ಬಿದ ಮಿಶ್ರಣಕ್ಕೆ ಮೊಸರು ಮತ್ತು ಉಪ್ಪು ಹಾಕಿ.
• ರುಬ್ಬಿದ ಮಿಶ್ರಣಕ್ಕೆ, ಎಣ್ಣೆ, ಸಾಸಿವೆ, ಒಣಮೆಣಸು, ಅರಿಶಿನ, ಇಂಗಿನ ಒಗ್ಗರಣ್ಣೆ ಕೊಡಿ.
• ನುಗ್ಗೆ ಸೊಪ್ಪಿನ ತಂಬ್ಳಿ ಅನ್ನದೊಂದಿಗೆ ಸವಿಯಲು ತುಂಬಾ ರುಚಿ.

ಕನ್ನೆಕೊಡಿ ಚಟ್ನಿ

ತಯಾರಿಸಲು ಬೇಕಾಗುವ ಅವಧಿ: 10ನಿಮಿಷ
ಬೇಕಾಗುವ ಸಾಮಗ್ರಿಗಳು:

• ಕನ್ನೆಕೊಡಿ 10-15
• ಕಾಯಿತುರಿ 1ಕಪ್
• ಹಸಿಮೆಣಸು 5-6 ಅಥವಾ ಸಣ್ಣಮೆಣಸು(ಚಿಟ್ಟಮೆಣಸು) 10-15
• ಬೋಳಕಾಳು 4
• ಉಪ್ಪು
• ಹುಣಸೆ ಹಣ್ಣು ಸಣ್ಣ ನಿಂಬೆ ಗಾತ್ರದ್ದು.
• ಎಣ್ಣೆ
• ಸಾಸಿವೆ ಕಾಳು
• ಉದ್ದಿನ ಬೇಳೆ
• ಕಡ್ಲೆ ಬೇಳೆ
• ಅರಶಿನ
• ಒಣಮೆಣಸು 1
• ಇಂಗು
• ಕರಿಬೇವು 

ಮಾಡುವ ವಿಧಾನ:

• ಕನ್ನೆಕೊಡಿ ಮತ್ತು ಹಸಿಮೆಣಸು, ಬೋಳಕಾಳನ್ನು 5ನಿಮಿಷ ಸ್ವಲ್ಪ ಎಣ್ಣೆಯೊಂದಿಗೆ ಸಣ್ಣ ಬೆಂಕಿಯಲ್ಲಿ ಹುರಿದಿಟ್ಟುಕೊಳ್ಳಿ.
• ಈಗ,ಹುರಿದ ಕನ್ನೆಕೊಡಿ, ಹಸಿಮೆಣಸು, ಬೋಳಕಾಳು, ಕಾಯಿತುರಿ, ಹುಣಸೆ ಹಣ್ಣು, ಉಪ್ಪು ಹಾಕಿ ಚೆನ್ನಾಗಿ ರುಬ್ಬಿಟ್ಟುಕೊಳ್ಳಿ.
• ರುಬ್ಬಿಟ್ಟ ಮಿಶ್ರಣಕ್ಕೆ, ಎಣ್ಣೆ, ಸಾಸಿವೆ, ಉದ್ದಿನ ಬೇಳೆ, ಕಡ್ಲೆ ಬೇಳೆ, ಅರಶಿನ,ಒಣಮೆಣಸು,ಕರಿಬೇವು,ಇಂಗಿನ ಒಗ್ಗರಣ್ಣೆ ಕೊಡಿ.
• ಈ ಚಟ್ನಿ ಅನ್ನದೊಂದಿಗೆ ಸವಿಯಲು ಚೆನ್ನಾಗಿರುತ್ತದೆ.

 

ತಗಟೆ ಸೊಪ್ಪಿನ ತಂಬ್ಳಿ

ತಯಾರಿಸಲು ಬೇಕಾಗುವ ಅವಧಿ: 10ನಿಮಿಷ
ಬೇಕಾಗುವ ಸಾಮಗ್ರಿಗಳು:

• ತಗಟೆ ಸೊಪ್ಪು 1 ಕಪ್
• ಕಾಯಿತುರಿ 1ಕಪ್
• ಬೋಳ ಕಾಳು(ಮೆಣಸಿನ ಕಾಳು) 4
• ಜೀರಿಗೆ 1ಚಮಚ
• ಉಪ್ಪು
• ಮೊಸರು ಅಥವಾ ಮಜ್ಜಿಗೆ 1ಕಪ್
• ಎಣ್ಣೆ
• ಸಾಸಿವೆ ಕಾಳು
• ಅರಶಿನ
• ಒಣಮೆಣಸು 1
• ಇಂಗು

ಮಾಡುವ ವಿಧಾನ:

• ಒಂದು ಪಾತ್ರೆಗೆ 2ಚಮಚ ಎಣ್ಣೆ ಹಾಕಿ ತಗಟೆ ಸೊಪ್ಪನ್ನು ಹೊರಿದು ಇಟ್ಟುಕೊಳ್ಳಿ.
• ಜೀರಿಗೆ ಮತ್ತು ಮೆಣಸಿನ ಕಾಳನ್ನು ಹೊರಿದಿಟ್ಟುಕೊಳ್ಳಿ.
• ಕಾಯಿತುರಿ, ತಗಟೆ ಸೊಪ್ಪು, ಜೀರಿಗೆ,ಮೆಣಸಿನ ಕಾಳನ್ನು ಸ್ವಲ್ಪ ನೀರಿನೊಂದಿಗೆ ರುಬ್ಬಿ.
• ರುಬ್ಬಿದ ಮಿಶ್ರಣಕ್ಕೆ ಮೊಸರು ಮತ್ತು ಉಪ್ಪು ಹಾಕಿ.
• ರುಬ್ಬಿದ ಮಿಶ್ರಣಕ್ಕೆ, ಎಣ್ಣೆ, ಸಾಸಿವೆ, ಒಣಮೆಣಸು, ಅರಿಶಿನ, ಇಂಗಿನ ಒಗ್ಗರಣ್ಣೆ ಕೊಡಿ.
• ತಗಟೆ ಸೊಪ್ಪಿನ ತಂಬ್ಳಿ ಅನ್ನದೊಂದಿಗೆ ಸವಿಯಲು ತುಂಬಾ ರುಚಿ.

ತಗಟೆ ಸೊಪ್ಪಿನ ಚಟ್ನಿ

ತಯಾರಿಸಲು ಬೇಕಾಗುವ ಅವಧಿ: 10ನಿಮಿಷ
ಬೇಕಾಗುವ ಸಾಮಗ್ರಿಗಳು:

• ತಗಟೆ ಸೊಪ್ಪು 1/2-1 ಕಪ್
• ಕಾಯಿತುರಿ 1ಕಪ್
• ಹಸಿಮೆಣಸು 5-6 ಅಥವಾ ಸಣ್ಣಮೆಣಸು(ಚಿಟ್ಟಮೆಣಸು) 10-15
• ಬೋಳಕಾಳು 4/ಮೆಣಸಿನ ಕಾಳು
• ಉಪ್ಪು
• ಹುಣಸೆ ಹಣ್ಣು ಸಣ್ಣ ನಿಂಬೆ ಗಾತ್ರದ್ದು.
• ಎಣ್ಣೆ
• ಸಾಸಿವೆ ಕಾಳು
• ಉದ್ದಿನ ಬೇಳೆ
• ಕಡ್ಲೆ ಬೇಳೆ
• ಅರಶಿನ
• ಒಣಮೆಣಸು 1
• ಇಂಗು

ಮಾಡುವ ವಿಧಾನ:

• ತಗಟೆ ಸೊಪ್ಪು ಮತ್ತು ಹಸಿಮೆಣಸು,ಬೋಳಕಾಳನ್ನು 5ನಿಮಿಷ ಸ್ವಲ್ಪ ಎಣ್ಣೆಯೊಂದಿಗೆ ಸಣ್ಣ ಬೆಂಕಿಯಲ್ಲಿ ಹೊರಿದಿಟ್ಟುಕೊಳ್ಳಿ.
• ಈಗ,ಹುರಿದ ತಗಟೆ ಸೊಪ್ಪು, ಹಸಿಮೆಣಸು, ಬೋಳಕಾಳು, ಕಾಯಿತುರಿ, ಹುಣಸೆ ಹಣ್ಣು, ಉಪ್ಪು ಹಾಕಿ ಚೆನ್ನಾಗಿ ರುಬ್ಬಿಟ್ಟುಕೊಳ್ಳಿ.
• ರುಬ್ಬಿಟ್ಟ ಮಿಶ್ರಣಕ್ಕೆ, ಎಣ್ಣೆ, ಸಾಸಿವೆ, ಉದ್ದಿನ ಬೇಳೆ, ಕಡ್ಲೆ ಬೇಳೆ, ಅರಶಿನ,ಒಣಮೆಣಸು,ಇಂಗಿನ ಒಗ್ಗರಣ್ಣೆ ಕೊಡಿ.
• ಈ ಚಟ್ನಿ ಅನ್ನದೊಂದಿಗೆ ಸವಿಯಲು ಚೆನ್ನಾಗಿರುತ್ತದೆ.

ಸಂಬಾರ ಸೊಪ್ಪಿನ ಚಟ್ನಿ

ತಯಾರಿಸಲು ಬೇಕಾಗುವ ಅವಧಿ: 10ನಿಮಿಷ
ಬೇಕಾಗುವ ಸಾಮಗ್ರಿಗಳು:

• ಸಂಬಾರ ಸೊಪ್ಪು 10-15
• ಕಾಯಿತುರಿ 1ಕಪ್
• ಹಸಿಮೆಣಸು 5-6 ಅಥವಾ ಸಣ್ಣಮೆಣಸು(ಚಿಟ್ಟಮೆಣಸು) 10-15
• ಉಪ್ಪು
• ಮೊಸರು ಅಥವಾ ಹುಳಿಮಜ್ಜಿಗೆ 1/4ಕಪ್
• ಎಣ್ಣೆ
• ಸಾಸಿವೆ ಕಾಳು
• ಉದ್ದಿನ ಬೇಳೆ
• ಕಡ್ಲೆ ಬೇಳೆ
• ಅರಶಿನ
• ಒಣಮೆಣಸು 1
• ಇಂಗು
• ಕರಿಬೇವು 

ಮಾಡುವ ವಿಧಾನ:

• ಸಂಬಾರ ಸೊಪ್ಪು ಮತ್ತು ಹಸಿಮೆಣಸನ್ನು 5ನಿಮಿಷ ಸ್ವಲ್ಪ ನೀರಿನೊಂದಿಗೆ ಬೇಯಿಸಿಟ್ಟುಕೊಳ್ಳಿ.
• ಈಗ,ಬೇಯಿಸಿದ ಸಂಬಾರ ಸೊಪ್ಪು, ಹಸಿಮೆಣಸು, ಕಾಯಿತುರಿ, ಮೊಸರು, ಉಪ್ಪು ಹಾಕಿ ಚೆನ್ನಾಗಿ ರುಬ್ಬಿಟ್ಟುಕೊಳ್ಳಿ.
• ರುಬ್ಬಿಟ್ಟ ಮಿಶ್ರಣಕ್ಕೆ, ಎಣ್ಣೆ, ಸಾಸಿವೆ, ಉದ್ದಿನ ಬೇಳೆ, ಕಡ್ಲೆ ಬೇಳೆ, ಅರಶಿನ,ಒಣಮೆಣಸು, ಕರಿಬೇವು,ಇಂಗಿನ ಒಗ್ಗರಣ್ಣೆ ಕೊಡಿ.
• ಈ ಚಟ್ನಿ ಅನ್ನದೊಂದಿಗೆ ಸವಿಯಲು ಚೆನ್ನಾಗಿರುತ್ತದೆ.

ಸಂಬಾರ ಸೊಪ್ಪಿನ ತಂಬ್ಳಿ

ತಯಾರಿಸಲು ಬೇಕಾಗುವ ಅವಧಿ: 10ನಿಮಿಷ
ಬೇಕಾಗುವ ಸಾಮಗ್ರಿಗಳು:

• ಸಂಬಾರ ಸೊಪ್ಪು 10
• ಕಾಯಿತುರಿ 1ಕಪ್
• ಹಸಿ ಮೆಣಸು1
• ಉಪ್ಪು
• ಮೊಸರು ಅಥವಾ ಮಜ್ಜಿಗೆ 1ಕಪ್
• ಎಣ್ಣೆ
• ಸಾಸಿವೆ ಕಾಳು
• ಅರಶಿನ
• ಒಣಮೆಣಸು 1
• ಇಂಗು

ಮಾಡುವ ವಿಧಾನ:

• ಒಂದು ಪಾತ್ರೆಗೆ 2ಚಮಚ ಎಣ್ಣೆ ಹಾಕಿ ಸಂಬಾರ ಸೊಪ್ಪನ್ನು ಹುರಿದು ಇಟ್ಟುಕೊಳ್ಳಿ.
• ಕಾಯಿತುರಿ,ಸಂಬಾರ ಸೊಪ್ಪು,ಹಸಿ ಮೆಣಸನ್ನು ಸ್ವಲ್ಪ ನೀರಿನೊಂದಿಗೆ ರುಬ್ಬಿ.
• ರುಬ್ಬಿದ ಮಿಶ್ರಣಕ್ಕೆ ಮೊಸರು ಮತ್ತು ಉಪ್ಪು ಹಾಕಿ.
• ರುಬ್ಬಿದ ಮಿಶ್ರಣಕ್ಕೆ, ಎಣ್ಣೆ, ಸಾಸಿವೆ, ಒಣಮೆಣಸು, ಅರಿಶಿನ, ಇಂಗಿನ ಒಗ್ಗರಣ್ಣೆ ಕೊಡಿ.
• ಸಂಬಾರಸೊಪ್ಪಿನ ತಂಬ್ಳಿ ಅನ್ನದೊಂದಿಗೆ ಸವಿಯಲು ತುಂಬಾ ರುಚಿ.

ಬದನೆಕಾಯಿ ಮೊಸರು ಗೊಜ್ಜು

ತಯಾರಿಸಲು ಬೇಕಾಗುವ ಅವಧಿ:10-15ನಿಮಿಷ
4 ಜನರಿಗೆ ಸಾಕಾಗುತ್ತದೆ.
ಬೇಕಾಗುವ ಸಾಮಗ್ರಿಗಳು:

• ಬದನೆಕಾಯಿ 2
• ಹಸಿಮೆಣಸು 2 ಅಥವಾ ಸಣ್ಣಮೆಣಸು 5-10
• ಹುಳಿಮೊಸರು 1/4ಕಪ್
• ಇಂಗು ಚಿಟಿಕೆ
• ಉಳ್ಳಾಗಡ್ಡೆ 1
• ಉಪ್ಪು

ಮಾಡುವ ವಿಧಾನ:

• ಬದನೆಕಾಯಿ ಬೆಂಕಿಯಲ್ಲಿ ಸುಟ್ಟು,ಸಿಪ್ಪೆ ತೆಗೆದು ಹೆಚ್ಚಿಟ್ಟುಕೊಳ್ಳಿ.
• ಉಳ್ಳಾಗಡ್ಡೆಯನ್ನು ಸಣ್ಣಗೆ ಹೆಚ್ಚಿಟ್ಟುಕೊಳ್ಳಿ.
• ಬದನೆಕಾಯಿ,ಉಳ್ಳಾಗಡ್ಡೆ,ಮೊಸರು,ಇಂಗು,ಉಪ್ಪು ಹಾಕಿಡಿ.
• ಸಣ್ಣಮೆಣಸನ್ನು ಜಜ್ಜಿ,ಬದನೆಕಾಯಿ ಮಿಶ್ರಣಕ್ಕೆ ಹಾಕಿ ಸರಿಯಾಗಿ ಕಲಸಿ.

ಬದನೆಕಾಯಿ ಒಣಗೊಜ್ಜು

ತಯಾರಿಸಲು ಬೇಕಾಗುವ ಅವಧಿ:10-15ನಿಮಿಷ
4 ಜನರಿಗೆ ಸಾಕಾಗುತ್ತದೆ.
ಬೇಕಾಗುವ ಸಾಮಗ್ರಿಗಳು:

• ಬದನೆಕಾಯಿ 2
• ಹಸಿಮೆಣಸು 1
• ಒಣಮೆಣಸು 1
• ಎಣ್ಣೆ
• ಸಾಸಿವೆ ಕಾಳು
• ಅರಶಿನ ಚಿಟಿಕೆ
• ಇಂಗು ಚಿಟಿಕೆ
• ಕಾಯಿತುರಿ 1/2ಕಪ್ optional
• ಉಳ್ಳಾಗಡ್ಡೆ 1
• ಉಪ್ಪು
• ಹುಣಸೆಹಣ್ಣು ಸಣ್ಣ ಚೂರು/ಟೊಮೇಟೊ 1
• ಬೆಲ್ಲ ಅಥವಾ ಸಕ್ಕರೆ ಚಿಟಿಕೆ

 

ಮಾಡುವ ವಿಧಾನ:

• ಬದನೆಕಾಯಿ ಬೆಂಕಿಯಲ್ಲಿ ಸುಟ್ಟು,ಸಿಪ್ಪೆ ತೆಗೆದು ಹೆಚ್ಚಿಟ್ಟುಕೊಳ್ಳಿ.
• ಉಳ್ಳಾಗಡ್ಡೆಯನ್ನು ಸಣ್ಣಗೆ ಹೆಚ್ಚಿಟ್ಟುಕೊಳ್ಳಿ.
• ಹಸಿಮೆಣಸನ್ನು ಸಣ್ಣಗೆ ಹೆಚ್ಚಿಟ್ಟುಕೊಳ್ಳಿ.
• ಹೆಚ್ಚಿದ ಬದನೆಕಾಯಿ,ಉಳ್ಳಾಗಡ್ಡೆ,ಹಸಿಮೆಣಸು,ಕಾಯಿತುರಿ,ಉಪ್ಪು,ಬೆಲ್ಲ,ಹುಣಸೆ ಹಣ್ಣು ಹಾಕಿ ಕಲಸಿಟ್ಟುಕೊಳ್ಳಿ.
• ಎಣ್ಣೆ,ಸಾಸಿವೆ ಕಾಳು,ಒಣಮೆಣಸು,ಇಂಗು,ಅರಶಿನದ ಒಗ್ಗರಣ್ಣೆ ಕೊಟ್ಟು ಚೆನ್ನಾಗಿ ಮೆಣಸನ್ನು ನುರಿದು ಕೈ ಇಂದ ಕಲಸಿ.
• ಇದು ಅನ್ನದ ಜೊತೆಗೆ ಚೆನ್ನಾಗಿರುತ್ತದೆ.

ಬದನೆಕಾಯಿ ಬಜ್ಜಿ

ತಯಾರಿಸಲು ಬೇಕಾಗುವ ಅವಧಿ:15-20ನಿಮಿಷ

ಬೇಕಾಗುವ ಸಾಮಗ್ರಿಗಳು:

• ಬದನೆಕಾಯಿ 1
• ಕಾಯಿತುರಿ 1ಕಪ್
• ಮೊಸರು 1ಕಪ್
• ಹಸಿಮೆಣಸು 1-2 ಸಣ್ಣಗೆ ಹೆಚ್ಚಿದ್ದು
• ಈರುಳ್ಳಿ  1 ಸಣ್ಣಗೆ ಹೆಚ್ಚಿದ್ದು  
• ಒಣಮೆಣಸು 1
• ಎಣ್ಣೆ
• ಸಾಸಿವೆ ಕಾಳು 1/2 ಚಮಚ
• ಅರಿಶಿನ ಚಿಟಿಕೆ
• ಇಂಗು
• ಉಪ್ಪು ರುಚಿಗೆ

ಮಾಡುವ ವಿಧಾನ:

• ಬದನೆಕಾಯಿಯನ್ನು ಬೆಂಕಿಯಲ್ಲಿ ಸುಟ್ಟು,ಸಿಪ್ಪೆ ತೆಗೆದು,ಹೆಚ್ಚಿ ಅದಕ್ಕೆ ಮೊಸರು ಸೇರಿಸಿಟ್ಟುಕೊಳ್ಳಿ.(ಬದನೆಕಾಯಿ ಬಣ್ಣ ಬದಲಾಗುತ್ತದೆ)
• ಕಾಯಿತುರಿಯನ್ನು ರುಬ್ಬಿ,ಹೆಚ್ಚಿದ ಬದನೆಕಾಯಿಗೆ ಸೇರಿಸಬೇಕು.
• ಸಣ್ಣಗೆ ಹೆಚ್ಚಿದ ಈರುಳ್ಳಿ ಮತ್ತು ಹಸಿಮೆಣಸನ್ನು ಬಜ್ಜಿಗೆ ಹಾಕಿ.
• ಎಣ್ಣೆ, ಸಾಸಿವೆ ಕಾಳು, ಒಣಮೆಣಸು, ಅರಿಶಿನ, ಇಂಗಿನ ಒಗ್ಗರಣ್ಣೆ ಕೊಡಿ.
• ರುಚಿಗೆ ತಕ್ಕಷ್ಟು ಉಪ್ಪನ್ನು ಹಾಕಿ,ಚೆನ್ನಾಗಿ ಕರಡಿ.
• ಬದನೆಕಾಯಿ ಬಜ್ಜಿ ಅನ್ನದೊಂದಿಗೆ ಚೆನ್ನಾಗಿರುತ್ತದೆ.

ನೆಗಡಿಗೆ ಕಷಾಯ

ಬೇಕಾಗುವ ಸಾಮಗ್ರಿಗಳು:

• ಶುಂಠಿ ಒಂದಿಂಚು
• ಕಾಳು ಮೆಣಸು 10
• ಜೀರಿಗೆ 4ಚಮಚ 
• ಕುತುಂಬರಿ 4ಚಮಚ
• ಒಂದೆಲಗ 1ಕಟ್
• ಜೇಷ್ಟಮಧು
• ಮೆಂತ್ಯಪುಡಿ 1ಚಮಚ
• ನೀರು 4ಕಪ್
• ಬೆಲ್ಲ
• ಜೇನುತುಪ್ಪ 2ಚಮಚ
• ಲಿಂಬುರಸ 2ಚಮಚ

ಮಾಡುವ ವಿಧಾನ:

• ಶುಂಠಿ, ಕಾಳು ಮೆಣಸು, ಜೀರಿಗೆ, ಕುತುಂಬರಿ ಮತ್ತು ಒಂದೆಲಗವನ್ನು ಸ್ವಲ್ಪ ನೀರನ್ನು ಹಾಕಿ ರುಬ್ಬಿಟ್ಟುಕೊಳ್ಳಿ.
• ರುಬ್ಬಿಟ್ಟ ಮಿಶ್ರಣಕ್ಕೆ 4ಕಪ್ ನೀರು,ಮೆಂತ್ಯ ಪುಡಿ,ಬೆಲ್ಲ ಎಲ್ಲವನ್ನು  ಒಂದು ಪಾತ್ರೆಗೆ ಹಾಕಿ ಚೆನ್ನಾಗಿ ಕುದಿಸಿ.4ಕಪ್ ಇರುವ ನೀರು 2ಕಪ್ ಆಗುವ ತನಕ ಕುದಿಸಿ.
• ಕಷಾಯ ಕುಡಿಯುವಾಗ ಜೇನುತುಪ್ಪ ಮತ್ತು ಲಿಂಬುರಸ  ಹಾಕಿ ಕುಡಿಯಿರಿ.

ರಾಗಿ ಅಂಬಲಿ

ಬೇಕಾಗುವ ಸಾಮಗ್ರಿಗಳು:

• ರಾಗಿ ಹಿಟ್ಟು 2ಚಮಚ
• ನೀರು 2ಕಪ್
• ಸಕ್ಕರೆ ಅಥವಾ ಬೆಲ್ಲ

ಮಾಡುವ ವಿಧಾನ:

• ನೀರನ್ನು ಕುದಿಯಲು ಇಡಿ.
• ರಾಗಿ ಹಿಟ್ಟನ್ನು ತಣ್ಣೀರಿನಲ್ಲಿ ಕರಡಿ,ಕುದಿಯುತ್ತಿರುವ ನೀರಿಗೆ ಹಾಕಿ ಕರಡುತ್ತಿರಿ.
• ಸಕ್ಕರೆ ಅಥವಾ ಬೆಲ್ಲವನ್ನು ಹಾಕಿ ಕುದಿಸಿ.

ರಾಗಿರೊಟ್ಟಿ(Millet Roti)

Click here for english.
ಬೇಕಾಗುವ ಸಾಮಗ್ರಿಗಳು:

• ರಾಗಿಹಿಟ್ಟು 1ಕಪ್
• ಕೊತ್ತಂಬರಿ ಸೊಪ್ಪು ಹೆಚ್ಚಿದ್ದು 4ಚಮಚ
• ಹಸಿ ಮೆಣಸು 1 ಸಣ್ಣಗೆ ಹೆಚ್ಚಿದ್ದು
• ಉಪ್ಪು
• ಉಳ್ಳಾಗಡ್ಡೆ 1ಸಣ್ಣಗೆ ಹೆಚ್ಚಿದ್ದು
• ಎಣ್ಣೆ 4ಚಮಚ

ಮಾಡುವ ವಿಧಾನ:

• ರಾಗಿ ಹಿಟ್ಟು,ಕೊತ್ತಂಬರಿ ಸೊಪ್ಪು,ಹಸಿಮೆಣಸು,ಉಳ್ಳಾಗಡ್ಡೆ,ನೀರು ಮತ್ತು ಉಪ್ಪು ಹಾಕಿ ಚೆನ್ನಾಗಿ ಹಿಟ್ಟನ್ನು ಕಲಸಿ.
• ಒಂದು ಪ್ಲಾಸ್ಟಿಕ್ ಅಥವಾ ಬಾಳೆ ಎಲೆಯನ್ನು ತೆಗೆದುಕೊಂಡು ಅದಕ್ಕೆ ಎಣ್ಣೆ ಸವರಿ.
• ಒಂದು ನಿಂಬೆ ಆಕಾರದ ಹಿಟ್ಟನ್ನು ತೆಗೆದುಕೊಂಡು ಅದಕ್ಕೆ ರೊಟ್ಟಿ ಆಕಾರ ಕೊಡಿ.
• ತವಾ ಬಿಸಿಯಾದ ನಂತರ,ರೊಟ್ಟಿಯನ್ನು ಸುಟ್ಟು ಚಟ್ನಿ ಜೊತೆ ಸವಿಯಲು ಕೊಡಿ.

ರಾಗಿವಡೆ(Millet Vada)

Click here for English

ಬೇಕಾಗುವ ಸಾಮಗ್ರಿಗಳು:

• ರಾಗಿಹಿಟ್ಟು 1ಕಪ್
• ಪುಟಾನಿ 6ಚಮಚ
• ಶೇಂಗಾ  6ಚಮಚ
• ಕೊತ್ತಂಬರಿ ಸೊಪ್ಪು ಹೆಚ್ಚಿದ್ದು 4ಚಮಚ
• ಹಸಿ ಮೆಣಸು 1 ಸಣ್ಣಗೆ ಹೆಚ್ಚಿದ್ದು
• ಉಪ್ಪು
• ಉಳ್ಳಾಗಡ್ಡೆ 1ಸಣ್ಣಗೆ ಹೆಚ್ಚಿದ್ದು
• ಕರಿಯಲು ಎಣ್ಣೆ

ಮಾಡುವ ವಿಧಾನ:

• ಶೇಂಗಾ & ಪುಟಾಣಿಯನ್ನು ತರಿ ತರಿಯಾಗಿ ಪುಡಿಮಾಡಿಟ್ಟುಕೊಳ್ಳಿ.
• ರಾಗಿ ಹಿಟ್ಟು,ಪುಟಾಣಿ & ಶೇಂಗಾ ಪುಡಿ,ಕುತುಂಬರಿ ಸೊಪ್ಪು,ಹಸಿಮೆಣಸು,ಉಳ್ಳಾಗಡ್ಡೆ,ನೀರು ಮತ್ತು ಉಪ್ಪು ಹಾಕಿ ಚೆನ್ನಾಗಿ ಹಿಟ್ಟನ್ನು ಕಲಸಿ.
• ಎಣ್ಣೆಯನ್ನು ಕಾಯಲು ಸಣ್ಣ ಉರಿಯಲ್ಲಿ ಇಟ್ಟುಕೊಳ್ಳಿ.
• ಒಂದು ಸಣ್ಣ ನಿಂಬೆಹಣ್ಣಿನಷ್ಟು ಹಿಟ್ಟನ್ನು ತೆಗೆದುಕೊಂಡು, ಅದಕ್ಕೆ ವಡೆ ಆಕಾರ ಕೊಟ್ಟು ಅದನ್ನು ಕಾದಿರುವ ಎಣ್ಣೆಯಲ್ಲಿ ಕರಿಯಿರಿ.
• ಇದನ್ನು ಚಹದ ಜೊತೆ ಸವಿಯಲು ಕೊಡಿ.

ಬಾಳೆಹಣ್ಣಿನ ಮುಳ್ಕ

ತಯಾರಿಸಲು ಬೇಕಾಗುವ ಸಮಯ: 10-15 ನಿಮಿಷ

ಬೇಕಾಗುವ ಸಾಮಗ್ರಿಗಳು:

• ಅಕ್ಕಿ ಹಿಟ್ಟು1ಕಪ್
• ಬಾಳೆ ಹಣ್ಣು 2-4
• ಬಿಸಿ ನೀರು 1/2ಕಪ್
• ಎಣ್ಣೆ ಕರಿಯಲು
• ಉಪ್ಪು ಸ್ವಲ್ಪ
• ಏಲಕ್ಕಿ ಪುಡಿ
• ಸಕ್ಕರೆ ಅಥವಾ ಬೆಲ್ಲ

ಮಾಡುವ ವಿಧಾನ:

• ಬಾಳೆಹಣ್ಣನ್ನು ಗಿವುಚಿ,ಅದಕ್ಕೆ ಸಕ್ಕರೆ ಅಥವಾ ಬೆಲ್ಲ, ಉಪ್ಪು,ಏಲಕ್ಕಿ,ಅಕ್ಕಿ ಹಿಟ್ಟು,ಬಿಸಿ ನೀರು ಹಾಕಿ ಹಿಟ್ಟನ್ನು ಕಲಸಿ.(rice pulp use ಮಾಡಿದರೆ ಇನ್ನು ಚೆನ್ನಾಗಿರುತ್ತದೆ.)
• ಹಿಟ್ಟನ್ನು ಬಹಳ ಗಟ್ಟಿಯಾಗಿ ಕಲಸಿಕೊಳ್ಳಬೇಡಿ.
• ಎಣ್ಣೆಯನ್ನು ಕಾಯಲು ಇಡಿ.
• ಎಣ್ಣೆ ಕಾದ ನಂತರ ಸಾವಕಾಶವಾಗಿ ಹಿಟ್ಟನ್ನು ಸ್ವಲ್ಪ ಸ್ವಲ್ಪ ತೆಗೆದುಕೊಂಡು ಎಣ್ಣೆಯಲ್ಲಿ ಬಿಡಿ.
• ಸರಿಯಾಗಿ ಬೆಂದ ನಂತರ ತೆಗೆಯಿರಿ.
• ತುಪ್ಪದ ಜೊತೆ ಸವಿಯಲು ಕೊಡಿ.

ಉದ್ದಿನ ವಡೆ(Split blackgram vada)

Click here for English
ಬೇಕಾಗುವ ಸಾಮಗ್ರಿಗಳು:

• ಉದ್ದಿನ ಬೇಳೆ 1 ಕಪ್
• ಮೆಣಸಿನ ಕಾಳು 5-6
• ಕೊಬ್ಬರಿ 10 ಸಣ್ಣಚೂರು
• ಕರಿಬೇವು
• ಕೊತ್ತಂಬರಿ ಸೊಪ್ಪು
• ಶುಂಠಿ 5-6 ಸಣ್ಣಚೂರು
• ಎಣ್ಣೆ

ಮಾಡುವ ವಿಧಾನ:

• ಉದ್ದಿನ ಬೇಳೆಯನ್ನು ನೀರಿನಲ್ಲಿ ರಾತ್ರೆ ಇಡಿ ನೆನೆಸಿಡಿ.
• ಉದ್ದಿನ ಬೇಳೆ ತೊಳೆದು,ಕಡಿಮೆ ನೀರನ್ನು ಬಳಸಿ ರುಬ್ಬಿ.
• ಬ್ಲೆಂಡರ್ ರುಬ್ಬಲು ಬಳಸಿದರೆ,ಹೆಚ್ಚು ಒದಗುತ್ತದೆ.
• ಹಿಟ್ಟಿಗೆ,ಮೆಣಸಿನ ಕಾಳು,ಕರಿಬೇವು,ಕೊಬ್ಬರಿ,ಕೊತ್ತಂಬರಿ ಸೊಪ್ಪು,ಶುಂಠಿ,ಉಪ್ಪು ಹಾಕಿ ಸರಿಯಾಗಿ ಕಲಸಿ.
• ಒಂದು ತೋಪಿನಲ್ಲಿ ನೀರನ್ನು ತೆಗೆದುಕೊಳ್ಳಿ. ಒಂದು ಚಮಚ ಹಿಟ್ಟನ್ನು ಹಾಕಿ ನೋಡಿದರೆ ವಡ ಸರಿಯಾಗಿ ಉಬ್ಬುತ್ತದೊ ಇಲ್ಲವೊ ಗೊತ್ತಾಗುತ್ತದೆ.ಹಿಟ್ಟು ಮುಳುಗಿದರೆ,ಇನ್ನು ಸ್ವಲ್ಪಹೊತ್ತು ಕಲಸುತ್ತಿರಿ.
• ಎಣ್ಣೆ ಬಿಸಿಗಿಡಿ.ಬಿಸಿಬಂದ ನಂತರ,ಕೈ ನೀರಿನಲ್ಲಿ ಅದ್ದಿ ಒದ್ದೆ ಮಾಡಿಕೊಂಡು ಹಿಟ್ಟನ್ನು ತೆಗೆದುಕೊಳ್ಳಿ.
• ಹೆಬ್ಬೆರಳಿನಿಂದ ತೂತನ್ನು ಮಾಡಿ ಎಣ್ಣೆಯಲ್ಲಿ ಬಿಡಿ.ಇದೇ ರೀತಿ ಹಿಟ್ಟು ಕಾಲಿಯಾಗುವ ತನಕ ಮಾಡಿ :)
• ಶುಂಠಿ ಚಟ್ನಿಯೊಂದಿಗೆ ವಡಾ ಚೆನ್ನಾಗಿರುತ್ತದೆ

ಮೆಣಸಿನ ಚಾಟಿ(Red Chilli Crepes)

To read it in English
ಬೇಕಾಗುವ ಸಾಮಗ್ರಿಗಳು:

• ಅಕ್ಕಿ 1ಕಪ್
• ಮೊಗೆಕಾಯಿ 1/2
• ಉಪ್ಪು
• ಒಣಮೆಣಸು 6-8
• ಕುತುಂಬರಿ 2 ಚಮಚ
• ಹಸಿಮೆಣಸು 1-2
• ಕರಿಬೇವು
• ಕಾಯಿತುರಿ 1/2ಕಪ್

ಮಾಡುವ ವಿಧಾನ:

• ಅಕ್ಕಿಯನ್ನು ನೀರಿನಲ್ಲಿ 4 ಗಂಟೆ ನೆನೆಸಿಡಿ.
• ಮೊಗೆಕಾಯಿಯನ್ನು ಕೊಚ್ಚಿಟ್ಟುಕೊಳ್ಳಿ.
• ಅಕ್ಕಿ,ಮೊಗೆಕಾಯಿ,ಒಣಮೆಣಸು,ಕುತುಂಬರಿ,ನೀರು ಹಾಕಿ ರುಬ್ಬಿ.
• ಈ ಹಿಟ್ಟನ್ನು ರಾತ್ರೆ ಹಾಗೆ ಬಿಡಿ.
• ದೋಸೆ ಎರೆಯುವ ಮೊದಲು,ಉಳ್ಳಾಗಡ್ಡೆ,ಕೊತ್ತಂಬರಿ ಸೊಪ್ಪು,ಹಸಿಮೆಣಸು,ಕರಿಬೇವು,ಕಾಯಿತುರಿ,ಉಪ್ಪು ಹಾಕಿ ಚೆನ್ನಾಗಿ ಕಲಸಿ.
• ದೋಸೆ ಕಾವಲಿಯನ್ನು ಬಿಸಿಗಿಡಿ.
• ಕಾವಲಿ ಬಿಸಿಬಂದ ನಂತರ ಕಾವಲಿಗೆ ಎಣ್ಣೆ ಸವರಿ,ದಪ್ಪಾದ ಚಾಟಿ ಎರೆಯಿರಿ.
• ಅದನು ಮುಚ್ಚಿಡಿ.ಎರಡು ಬದಿಗೂ ಬೇಯಿಸಿ.
• ಈ ದೋಸೆಯನ್ನು ಕಾಯಿಸುಳಿ ಬೆಲ್ಲ ಮತ್ತು ತುಪ್ಪದೊಂದಿಗೆ ಸವಿಯಲು ಕೊಡಿ.

ಕನ್ನೆ ಕೊಡಿ ತಂಬ್ಳಿ

ತಯಾರಿಸಲು ಬೇಕಾಗುವ ಸಮಯ: 10-15 ನಿಮಿಷ

ಬೇಕಾಗುವ ಸಾಮಗ್ರಿಗಳು:

• ಕನ್ನೆ ಕೊಡಿ 1ಕಪ್
• ಕಾಯಿತುರಿ 1ಕಪ್
• ಹಸಿ ಮೆಣಸು 1
• ಉಪ್ಪು 3/4 ಚಮಚ
• ಮಜ್ಜಿಗೆ 1ಕಪ್
• ಎಣ್ಣೆ 1ಚಮಚ
• ಒಣಮೆಣಸು 1
• ಸಾಸಿವೆಕಾಳು 1/2ಚಮಚ

ಮಾಡುವ ವಿಧಾನ:

• ಹಸಿ ಮೆಣಸು,ಕನ್ನೆ ಕೊಡಿಗೆ ಸ್ವಲ್ಪ ಎಣ್ಣೆಯನ್ನು ಬೆರೆಸಿ ಹೊರೆದಿಟ್ಟುಕೊಳ್ಳಿ.
• ಒಣಮೆಣಸು ಕತ್ತರಿಸಿಟ್ಟುಕೊಳ್ಳಿ.
• ಕಾಯಿತುರಿ,ಕನ್ನೆ ಕೊಡಿ ಬೀಸಿಟ್ಟುಕೊಳ್ಳಿ.
• ಬೀಸಿಟ್ಕಂಡ ಮಿಶ್ರಣಕ್ಕೆ,ಮಜ್ಜಿಗೆ,ಉಪ್ಪು,ನೀರು (ಬೇಕಾದರೆ)ಹಾಕಿ ಕರಡಿಟ್ಕಳಿ.
• ಎಣ್ಣೆ,ಸಾಸಿವೆ,ಒಣಮೆಣಸಿನ ಒಗ್ಗರಣ್ಣೆ ಕೊಡಿ.
• ಕನ್ನೆ ಕೊಡಿ ತಂಬ್ಳಿ ಸವಿಯಲು ಸಿದ್ಧ.

 

ವಾತಂಗಿ ಸೊಪ್ಪಿನ ಚಟ್ನಿ

ತಯಾರಿಸಲು ಬೇಕಾಗುವ ಸಮಯ:10-15ನಿಮಿಷ

ಬೇಕಾಗುವ ಸಾಮಗ್ರಿಗಳು:

• ವಾತಂಗಿ ಸೊಪ್ಪು 10-15
• ಕಾಯಿತುರಿ 1ಕಪ್
• ಉಪ್ಪು
• ಹುಣಸೆ ಹಣ್ಣು ಒಂದು ಸಣ್ಣ ನಿಂಬೆ ಗಾತ್ರದ್ದು.
• ಬೆಲ್ಲ 1ಚಮಚ
• ಎಣ್ಣೆ
• ಒಣ ಮೆಣಸು 6-8
• ಕುತುಂಬರಿ 2 ಚಮಚ
• ಕಡ್ಲೆ ಬೇಳೆ 1 ಚಮಚ
• ಉದ್ದಿನ ಬೇಳೆ 1 ಚಮಚ

ಮಾಡುವ ವಿಧಾನ:

• ಒಂದು ಪಾತ್ರೆಗೆ 2 ಚಮಚ ಎಣ್ಣೆ ಹಾಕಿ ಬಿಸಿ ಬಂದ ನಂತರ,ಅದಕ್ಕೆ ವಾತಂಗಿ ಸೊಪ್ಪನ್ನು ಹಾಕಿ ಹೊರಿಯಿರಿ.ಅದನ್ನು ಮಿಕ್ಸಿಗೆ ಹಾಕಿಡಿ.
• ನಂತರ,2ಚಮಚ ಎಣ್ಣೆ ಬಿಸಿ ಆದ ನಂತರ ಅದಕ್ಕೆ,ಕಡ್ಲೆ ಬೇಳೆ,ಉದ್ದಿನ ಬೇಳೆ,ಕುತುಂಬರಿ,ಒಣಮೆಣಸು ಹಾಕಿ ಹೊರಿದು,ಮಿಕ್ಸಿಗೆ ಹಾಕಿ ಕಾಯಿತುರಿ,ಹುಣಸೆ ಹಣ್ಣು,ಬೆಲ್ಲ,ನೀರು ಸೇರಿಸಿ ರುಬ್ಬಿ.
• ವಾತಂಗಿ ಸೊಪ್ಪಿನ ಚಟ್ನಿ ಬಿಸಿ ಬಿಸಿ ಅನ್ನ ಮತ್ತು ಮೊಸರಿನೊಂದಿಗೆ ಸವಿಯಲು ಚೆನ್ನಾಗಿರುತ್ತದೆ.

ಉದ್ದಿನ ಕಾಳು ದೋಸೆ(Blackgram Crepes)

ಬೇಕಾಗುವ ಸಾಮಗ್ರಿಗಳು:

• ಅಕ್ಕಿ 1ಕಪ್
• ಎಣ್ಣೆ (ಬೇಕಾದರೆ)
• ಉಪ್ಪು
• ಉದ್ದಿನ ಬೇಳೆ/ಕಾಳು 1/2ಕಪ್

ಮಾಡುವ ವಿಧಾನ:

• ಅಕ್ಕಿ ಮತ್ತು ಉದ್ದಿನ ಬೇಳೆಯನ್ನು ನೀರಿನಲ್ಲಿ 4 ಗಂಟೆಗಳ ಕಾಲ ನೆನೆಸಿ.
• ಅಕ್ಕಿ ಮತ್ತು ಉದ್ದಿನ ಬೇಳೆಯನ್ನು ತೊಳೆದು ರುಬ್ಬಿ.
• ಈ ಹಿಟ್ಟನ್ನು ರಾತ್ರೆ ಇಡೀ ಹಾಗೆ ಬಿಡಿ.
• ಉಪ್ಪು,ನೀರು ಹಾಕಿ ಕರಡಿ.
• ದೋಸೆ ಕಾವಲಿ ಬಿಸಿಗಿಡಿ.
• ದೋಸೆ ಕಾವಲಿ ಬಿಸಿ ಬಂದ ನಂತರ ದೋಸೆ ಎರೆಯಿರಿ.(ದೋಸೆ ತೆಳ್ಳಗಿರಲಿ)
• ದೋಸೆ ಎರೆಯುವಾಗ ಎಣ್ಣೆ ಬೇಕಾದರೆ ಹಚ್ಚ ಬಹುದು.
• ಈ ದೋಸೆ ಪುಟಾಣಿ ಚಟ್ನಿ ಮತ್ತು ತಡುವೆ (ಜೇನು) ತುಪ್ಪದೊಂದಿಗೆ ಚೆನ್ನಾಗಿರುತ್ತದೆ

ದಾಸವಾಳದ ಎಲೆ ದೋಸೆ(Hibiscus crepes)

ಬೇಕಾಗುವ ಸಾಮಗ್ರಿಗಳು:

• ದಾಸವಾಳದ ಎಲೆ 1ಕಪ್
• ಅಕ್ಕಿ 1ಕಪ್ 
• ಎಣ್ಣೆ (ಬೇಕಾದರೆ)
• ಉಪ್ಪು 

ಮಾಡುವ ವಿಧಾನ:

• ಅಕ್ಕಿಯನ್ನು ನೀರಿನಲ್ಲಿ 4 ಗಂಟೆಗಳ ಕಾಲ ನೆನೆಸಿ. 
• ಅಕ್ಕಿ ಮತ್ತು ದಾಸವಾಳದ ಎಲೆಯನ್ನು ರುಬ್ಬಿ.
• ಈ ಹಿಟ್ಟನ್ನು ರಾತ್ರೆ ಇಡೀ ಹಾಗೆ ಬಿಡಿ. 
•  ಉಪ್ಪು,ನೀರು  ಹಾಕಿ ಕರಡಿ.
• ದೋಸೆ ಕಾವಲಿ ಬಿಸಿ ಬಂದ ನಂತರ ದೋಸೆ ಎರೆಯಿರಿ.(ದೋಸೆ ತೆಳ್ಳಗಿರಲಿ)
• ಈ ದೋಸೆ ಚಟ್ನಿ ಮತ್ತು ತಡುವೆ (ಜೇನು) ತುಪ್ಪದೊಂದಿಗೆ ಸವಿಯಲು ರುಚಿಯಾಗಿರುತ್ತದೆ.

ನೆಲ್ಲಿಕಾಯಿ ತಂಬ್ಳಿ

ತಯಾರಿಸಲು ಬೇಕಾಗುವ ಸಮಯ: 10 ನಿಮಿಷ

ಬೇಕಾಗುವ ಸಾಮಗ್ರಿಗಳು:

• ನೆಲ್ಲಿಕಾಯಿ 6
• ಕಾಯಿತುರಿ 1ಕಪ್
• ಉಪ್ಪು 3/4 ಚಮಚ
• ಮಜ್ಜಿಗೆ 1ಕಪ್ 
• ಎಣ್ಣೆ 1ಚಮಚ
•  ಜೀರಿಗೆ 1ಚಮಚ 
• ಹಸಿ ಮೆಣಸು 1 
• ಒಣಮೆಣಸು 1
• ಸಾಸಿವೆಕಾಳು 1/2ಚಮಚ

ಮಾಡುವ ವಿಧಾನ:

• ನೆಲ್ಲಿಕಾಯಿ ತುಂಡುಮಾಡಿ ಇಟ್ಕಳಿ.
• ಮೆಣಸು ಕತ್ತರಿಸಿಟ್ಕಳಿ.
• ಕಾಯಿತುರಿ,ನೆಲ್ಲಿಕಾಯಿ,ಹಸಿ ಮೆಣಸು,ಜೀರಿಗೆ  ತೆಕಂಡು ಬೀಸಿಟ್ಕಳಿ. 
• ಬೀಸಿಟ್ಕಂಡ ಮಿಶ್ರಣಕ್ಕೆ,ಮಜ್ಜಿಗೆ,ಉಪ್ಪು,ನೀರು ಬೇಕಾದರೆ ಹಾಕಿ ಕರಡಿ.
• ಎಣ್ಣೆ,ಸಾಸಿವೆ,ಒಣಮೆಣಸಿನ ಒಗ್ಗರಣ್ಣೆ ಕೊಟ್ಟರೆ ನೆಲ್ಲಿಕಾಯಿ ತಂಬ್ಳಿ ಸವಿಯಲು ಸಿದ್ಧ.